Bıyl «Rýhanı jańǵyrý» baǵdarlamasyn júzege asyrý maqsatynda  qazaq sóz óneriniń  dúldili İlıas Jansúgirovtyń týǵanyna 125 jyl tolyp otyr. Osyǵan oraı, Qostanaı qurylys kolejinde «Ónerimdi elime arnaımyn» atty jergilikti jyrshy aqyndarmen kezdesý keshi ótti. Keshtiń qonaqtary Torǵaıdyń Albar bóget eldi mekeninde dúnıege kelgen jyrshy-termeshi aǵamyz Alpysov Naǵashybaı men Amangeldi aýdanynyń birtýar azamaty, aqyn Arqalyq qalasyndaǵy Sh.Ýalıhanov atyndaǵy orta mektepte muǵalim qyzmetin atqarǵan,qazirgi  tańda zeınetker Otashev Seıtqalı Sabyrjanuly. Naǵashybaı Alpysov İlıas Jansúgirovtyń  tanymal «Qulager»  poemasyna án jazǵan jyrshy-termeshi. Naǵashybaı aǵamyz dombyranyń súıemeldeýimen «Qulager» poemasyn naqyshyna keltirip, stýdentterge oryndap berdi.Kezdesý keshine 6 ǴQSP-1 jáne 5 ǴQSP-2 tobynyń stýdentteri belsene at salysty. Aqyn aǵalarymyzǵa óz suraqtaryn qoıyp, oǵan tamasha jaýaptaryn aldy.Osy keshte 356 D-1 tobynyń stýdenti Polına  Anna qonaqtarymyzǵa Abaıdyń «Kózimniń  qarasy» ánin naqyshyna keltirip, oryndady.Sonymen qatar 6 ǴQSP-1 tobynyń stýdenti Sybanqulov Ulyqbek qonaqtarǵa óziniń shyǵarǵan «Qazaqstanym»  atty óleńin tamashalap aıtyp berdi. Kezdesý keshi  stýdentterdiń kóńilinen shyqty. Biz aqyn aǵalarymyzǵa jyly lebimizdi bildirip, alǵysymyzdy aıttyq.