2019 jylǵy 24-26 qyrkúıek aralyǵynda Qostanaı áskerı garnızonynyń № 6697 áskerı bóliminde “Jas ásker”áskerı-patrıottyq klýbtarynyń oblystyq sleti ótti. Sletke Qostanaı oblysynyń qalalary men aýdandarynan 10 klýb qatysty. Kýrsanttar áskerı bólimniń saptyq alańynda ótken saltanatty ashylýdan keıin birden áskerı-qoldanbaly sport túrleri boıynsha jarystarǵa kiristi. Jarys kezeńderinen turdy: granata laqtyrýmen áskerılendirilgen kross, pnevmatıkalyq vıntovkadan turyp atý, AK-74 avtomatyn bólshekteý-qurastyrý, arqandy tartý, AQ boıynsha jattyǵý (gaztutqyshty kıý jáne OZK), ıntellektýaldyq “Erýdıt” baıqaýy, áskerılendirilgen estafeta. Aýa-raıy slet ótkizýge qolaıly boldy, tań aıazdy tumannan bastaldy, kúndiz bizdi kún ertip júrdi, al keshke kishkentaı, salqyn jańbyr bastalǵan kezde kýrsanttar ózderin gıtaramen ánmen jylytady. Jalpykomandalyq esepte, tartysty kúres qorytyndysy boıynsha, sekýndtyń júzdegen úlesin anyqtaǵan “Taıfýn” ÁPK komandasy úshinshi júldeli orynǵa ıe boldy. Slet sońynda klýb kýrsanttary 2 komandaǵa bólinip (sary jáne kók) shartty týdy basyp alý jáne qorǵaý boıynsha dalalyq jaǵdaıda áskerı-taktıkalyq oıyn ótkizdi.